Bëhet fjalë për një faqe të rreme në Facebook, në të cilën emri i “Audi” keqpërdoret për të gjeneruar shumë trafik dhe popullaritet të faqes së përmendur në Facebook. Kompania “Porsche Macedonia”, e cila përfaqëson markën e makinave “Audi”, në faqen e saj në Facebook, e cila ka 104.062 ndjekës, ka paralajmëruar se bëhet fjalë për një lojë shpërblyese të rreme.
Po shqyrtojmë një postim të publikuar në rrjetin social Facebook, në një grup të krijuar nga keqpërdorimi i emrit të markës “Audi”. Emri i grupit është AUDI Fans dhe postimet e shpërndara në të janë në gjuhën maqedonase dhe synojnë t’i shënjestrojnë përdoruesit e rrjetit social Facebook nga vendi, duke qenë se postimet janë në gjuhën maqedonase.
Postimi thotë se për të festuar 31-vjetorin e Audi-t, kompania ka vendosur të dhurojë Audi Sportin e ri 2022 për njëzet familje me fat që shpërndajnë postimin, komentojnë “mbaruar” dhe klikojnë në një lidhje ku nga ato kërkohet të lënë të dhëna personale. Në postim thuhet gjithashtu se emri i fituesit zyrtar do të regjistrohet në linkun e treguar dhe se dorëzimi do të bëhet të hënën para orës 18. Më shumë se 1200 persona e kanë pëlqyer këtë faqe në FB, e cila nuk është faqe zyrtare e Audi-t dhe qëllimi i së cilës është të ndajë postime false për të gjeneruar trafik dhe për t’u bërë më prezente dhe me ndikim në rrjetet sociale.
Që nga shkrimi i këtij rishikimi, postimi i rremë i lotarisë ka më shumë se 1,200 pëlqime, 2,900 komente dhe 2,200 shpërndarje, gjë që flet për popullaritetin dhe faktin që arriti të mashtrojë një numër të madh përdoruesish. Pas këtij njoftimi, thirrje të tjera të ngjashme për çmimin e pretenduar luksoze u vendosën në faqe duke përdorur foto nga interneti me automjete luksoze të zbukurara, me qëllim krijimin e besueshmërisë së lojës shpërblyese. Nën çdo lotari të rreme, shpërndahet një lidhje që u jepet përdoruesve të Facebook-ut që të klikojnë dhe të regjistrohen, duke u kërkuar atyre të lënë të dhëna personale që është e paqartë se si do të keqpërdoren.
Kompania “Porsche Macedonia”, e cila përfaqëson markën e makinave “Audi”, në faqen e saj në Facebook, e cila ka 104.062 ndjekës, ka paralajmëruar se bëhet fjalë për një lojë shpërblyese të rreme:
“Lajmerim i RENDESISHEM!
Të dashur miq, në rrjetet sociale është shfaqur sërish një lojë shpërblyese e rreme, e cila nuk është e organizuar dhe as e lidhur në asnjë mënyrë me markën Audi apo Porsche Maqedoni si importues zyrtar.
Ju lutemi, jini të kujdesshëm në ndarjen e informacionit tuaj personal dhe shpërndarjen e postimeve, qëllimi i vetëm i të cilave është mashtrimi dhe abuzimi, thanë ata në postimin e tyre në Facebook për përdoruesit”.
Kjo faqe zyrtare në FB e “Porsche Macedonia” përmban të gjitha elementet për të konstatuar se është e besueshme dhe reale, siç ështl adresa e prodhuesit, orari i punës, linku i faqes zyrtare të internetit, emaili i kontaktit dhe numri i telefonit, postime të shumta relevante dhe të vërteta për performancat e makinave dhe nuk ka lotari të mahnitshëm me çmime bombastike. Krijimi i faqeve të rreme në Facebook me emrat e markave tashmë të themeluara dhe të njohura në botën e biznesit, së bashku me lotari false tepër bujare dhe jo të besueshme, ka rezultuar të jenë një trend që funksionon në hapësirën e Facebook-ut, që synojnë për të krijuar faqe të reja të vizituara të pëlqyera dhe të njohura në Facebook me mashtrime, si dhe mbledhjen e të dhënave personale nga përdoruesit. Praktikë është që këto faqe në Facebook më vonë shiten, riemërohen dhe nëpërmjet tyre bëhet reklamimi dhe tregtia në internet. Për të gjitha faktet e mësipërme, vlerësojmë se nuk është e vërtetë që “Porsche Macedonia”, rrjedhimisht “Audi”, për të festuar 31-vjetorin, vendosi t’u dhurojë Audi Sport 2022 të ri për 20 familje me fat që do të shpërndajnë postimin që po shqyrtojmë. Është një faqe e rreme në Facebook, në të cilën emri i “Audi” keqpërdoret për të gjeneruar shumë trafik dhe popullaritet të faqes së përmendur në FB, duke mbledhur të dhëna personale nga përdoruesit e rrjeteve sociale me anë të mashtrimit, të gjitha të bëra nga person i panjohur, krijuesi i faqes i cili do të përdorë të dhënat personale për qëllime të njohura vetëm për të./Vërtetëmatësi/
