Drejtoresha e Drejtorisë për të Ardhura Publike (DAP) Sanja Llukarevska ka hedhur poshtë të gjitha spekulimet se do të shfuqizohet projekti “TVSH-ja Ime”. Llukarevska thotë se projekti TVSH-ja ime është një nga projektet më të suksesshme.
“Mendoj se TVSH-ja Ime është një nga projektet më të suksesshme. Ne kemi punuar për të thellësisht dhe e kemi promovuar hap pas hapi dhe do të vazhdojmë ta përmirësojmë. Së bashku do të përcaktojmë të gjitha projeksionet nëse do të ketë hapësirë për të rritur kufirin e rimbursimit dhe do të informojmë publikun në kohën e duhur. Deri më tani kemi rreth 350 mijë shfrytëzues të TVSH dhe nga fillimi u kemi kthyer më shumë se tre miliardë denarë shfrytëzuesve të masës, andaj i hedh poshtë të gjitha spekulimet se kjo masë do të shfuqizohet”, tha Lukarevska.
Konfirmoi se një pjesë e të punësuarve në DAP janë nëpunës civilë, ndërsa të gjithë të tjerët janë zyrtarë tatimor dhe shtoi se do të transferohen gradualisht për shkak të dallimeve në paga ndërmjet zyrtarëve civilë dhe tatimorë.
E pyetur se deri ku janë bisedimet për përbërjen e re të Qeverisë, Lukarevska tha se i shmanget keqpërdorimit të foltores së DAP për çështje politike.
“Opinioni do të informohet për gjithçka që në periudhën e ardhshme do të thotë ripajisja e kabinetit qeveritar. Vendimi do të merret në nivel të kryesisë së partisë”, theksoi Llukarevska dhe shtoi se edhe në të ardhmen do të shihet vendi ku është edhe tani.
