Të mbyllur në një sallë në Bruksel, zyrtarët po debatojnë se kush do të lejohet të hyjë në BE kur kufijtë ndërkombëtarë të bllokut të hapen më 1 korrik dhe se kush do të mbetet jashtë.
Lista ka nxitur tashmë polemika, pasi burime të brendshme zbuluan se Shtetet e Bashkuara – prekur më keqazi në mbarë botën nga COVID-19 me më shumë se 2.4 milionë të prekur nuk ishte në të.
Brazili dhe Rusia gjithashtu besohet të jenë në listën që i ndalohet hyrja për shkak të përgjigjes që kanë pasur ndaj COVID-19.
Të enjten zyrtarët europianë dështuan të arrijnë në një vendim mbi vendet që nuk lejohet të hyjnë edhe pasi të hapen kufijtë e jashtëm të bllokut, ku një diplomat i BE i tha Euronews se zyrtarët nuk “arritën një marrëveshje” dhe se bisedimet do të vazhdojnë të premten.
Euronews English siguroi draftin e plotë, nga burime diplomatike të BE, ku shfaqen vendet me të cilat do të hapen kufijtë e BE-së, ku përfshihet edhe Shqipëria.
Burimet kanë hedhur dyshime gjithashtu për datën e hapjes, ku sugjerojnë se marrëveshjet nuk do të arrijnë të kapin këtë afat.
Lista e shteteve që do të lejohen të hyjnë në BE sipas draftit:
Shqipëria, Vatikani, Monako, Mali i Zi, Andorra, Serbia, Bosnja dhe Hercegovina, Ukraina, Turqia, Kosova, Republika Popullore Demokratike e Koresë, Turkmenistani, Vietnami, Kina, Tajlanda, Mjanmar, Mongolia, Japonia, Koreja e Jugut, Gjeorgjia, Butani, Libani, Indonezia, Uzbekistani, India, Taxhikistani, Kazakistani, Palau, Zelanda e Re, Australia, Dominika, Bahamas, Shën Luçia, Uruguai, Kuba, Gujana, Paraguai, Venezuela, Nikaragua, Kosta Rika, Kanada, Angola, Tunizia, Namibia, Uganda, Mozambiku, Mauritius, Zambia, Etiopia, Moroku, Algjeria, Egjipti, Ruanda.
Ndryshe, Maqedonia e Veriut prej nesër do të hap plotësisht të gjitha vendkalimet kufitare në shtet me çfarë shtetasit e Maqedonisë së Veriut dhe të huajt do të munden pa pengesë të lëvizin pa detyrim për test PRS dhe karantinë shtetërore.
Vendimin e mori Qeveria të martën mbi bazë të rekomandimeve të Komisionit për Sëmundje Infektive, Qeveria në seancën e njëjtë mori vendim që më 1 korrik të hapen për qarkullim edhe Aeroporti Ndërkombëtar Shkup dhe ai “Sh. Apostol Pavle” në Ohër.
