Portugalia si kryesuese e Bashkimi Evropian dhe Komisioni Evropian shpreson se deri në fund të kryesimit portugez do të mund të mbahet konferenca ndërqeveritare me Maqedoninë e Veriut.
Ana Paula Zakarieas, sekretarja shtetërore për çështje Evropiane në Portugali, sqaroi se sot në Këshillin për Çështje të Përgjithshme, ministrat kanë diskutuar për Maqedoninë e Veriut dhe Shqipërinë si dhe për zgjerimin në përgjithësi.
“Do të thoja se të gjitha vendet anëtare dëshirojnë të shohin lëvizje këtu, kryesimi bisedoi me vendet kandidate dhe me vendet anëtare si dhe me përkrahjen e eurokomesarit Oliver Varhelyi biseduam me autoritetet bullgare”, tha Zakarieas.
Ajo shtoi se Bullgaria momentalisht ndodhet në periudhën paszgjedhore, por debati për Maqedoninë e Veriut vazhdon në mënyrë që të ketë rezultate.
Nënkryetari i Komisioni Evropian, Marosh Shefchovich tha se ky institucion bën gjithçka që është e mundur që në fund të kryesimit portugez me BE-në, më 30 korrik të miratohet korniza negociuese me Maqedoninë e Veriut.
“Për Komisionin Evropian të gjitha kushtet janë përmbushur nga ana e Maqedonisë së Veriut dhe duhet të punojmë bashkërisht për të miratuar kornizën negociuese dhe mbajtjen e konferencës ndërqeveritare”, tha Shefchovich.
