Është liruar në procedurë të rregullt mjeku nga Podujeva që bëri bujë në opinionin kosovar pasi nuk i ofroi ndihmë qytetarit të sëmurë.
Këtë e ka konfirmuar Prokuroria Themelore në Prishtinë përmes një komunikate dërguar mediave.
Ditë më parë u publikua video ku shihej Ibrhim Hoti duke refuzuar t’i jap shërbime mjekësore një pacienti.
Si shkak i kësaj, ai është pezulluar nga puna dhe ishte arrestuar.
Tutje thuhet se i dyshuari me inicialet I.H është liruar dje në orën 17:30.
Më poshtë edhe njoftimi i plotë.
Prishtinë, 17 prill 2021 – Prokuroria Themelore në Prishtinë, Departamenti i Përgjithshëm, ju njofton se i dyshuari-mjeku me inicialet I.H., i cili ishte ndaluar më 15.04.2021, me aktvendim të Prokurorit të Shtetit, në drejtim të veprës penale “Mosdhënia e ndihmës mjekësore”, nga neni 255 të KPRK-së, i njëjti, më 16.04.2021, në orën 17:30, është liruar në procedurë të rregullt.
