Gjykata Ndërkombëtare Penale ka lëshuar një urdhër arrest për presidentin e Rusisë Vladimir Putin, raporton Euronews, përcjell Insajderi.
Urdhër-arresti është lëshuar për shkak të dyshimit se Putin është përfshirë në rrëmbimet e fëmijëve nga Ukraina.
Gjykata tha në një deklaratë se Putini “dyshohet se është përgjegjës për krimet e luftës, të dëbimit të paligjshëm të popullsisë përkatësisht fëmijëve dhe atë të transferimit të paligjshëm të popullsisë (fëmijëve) nga zonat e pushtuara të Ukrainës në Federatën Ruse”, shkruan Euronews.
Po ashtu, përveç Putinit, Gjykata Ndërkombëtare Penale ka lëshuar urdhër-arrest edhe për Komisioneren për të Drejtat e Fëmijëve në Zyrën e Presidentit të Federatës Ruse, Maria Aleksenyevna Lvova-Belova.
Urdhër-arrestet e sipërpërmendura janë lëshuar në bazë të kërkesave të paraqitura nga Prokuroria më 22 shkurt 2023.
