Të mërkurën, një 61 vjeçar është gjetur i vdekur në një motel në Gjakovë.Gazeta Sinjali merr vesh se 61 vjeçari është Gjon Bardhoku, punëtor i Qendrës për Pajisje me Dokumente në Komunën e Gjakovës.Po ashtu bëjnë të ditur se moteli në të cilin ai ishte gjetur i vdekur është “Vila 007”, i cili ndodhet në rrugën “Gasper Karaqi” në Gjakovë.
Në lidhje me këtë rast, Policia e Gjakovës ka bërë të ditur se së bashku me 61 vjeçarin ishte një 21 vjeçare nga Kosova, e nacionalitetit ashkali. Ajo kishte tentuar që t’i jepte ndihmë, por pasi nuk kishte pasur sukses e kishte lajmëruar policinë. Policia bashkë me emergjencën kanë shkuar në vendngjarje, ku mjeku kujdestar ka konstatuar se viktima është pa shenja jete.
Sipas mjekut kujdestar në vendngjarje, dyshohet se viktima ka vdekur si pasojë e arrestit kardiak, i cili mund të jetë shkaktuar nga përdorimi i një lloj substance që është gjetur në vendngjarje, që dyshohet të jetë viagra.Rasti është konfirmuar edhe në raportin 24 -orësh të Policisë së Kosovës.
“Gjakovë 02.12.2020-17:15. Është raportuar se viktima mashkull kosovar, në një vilë, nga dy dëshmitarë është gjetur pa shenja jete. Njësitë relevante të policisë kanë dalë në vendin e ngjarjes dhe ekipi mjekësor i cili e ka konstatuar vdekjen e viktimës”, thuhet në raportin e policisë.Gazeta Sinjali mëson se trupi i pajetë i 61-vjeçarit është dërguar për obduksion në Institutin e Mjekësisë Ligjore dhe raporti për këtë ekzaminim pritet të dalë javën e ardhshme.
