Deputetët e Kuvendit nuk i dhanë mbështetje interpelancës së inicuar nga ana e opozitës shqiptare ASH-AAA. Interpelanca ndaj Ministrit të Punëve të Brendshme Oliver Spasovski mori vetëm 11 vota të opozitës shqiptare, ndërsa 60 deputetë të shumicës parlamentare, Spasovskit i dhanë edhe njëherë besimin si bartës i këtij funksioni publik, duke votuar kundër interpelancës.
Në votim nuk morrën pjesë deputetët e VMRO-DPMNE-së të cilët gjatë ditës e lëshuan seancën, duke paralajmëruar interpelancë ndaj Kryerparlamentarit Talat Xhaferi.
