Një grua humbi jetën në Dardanelet të Turqisë teksa refuzoi propozimin për martesë të partnerit dhe ai e hodhi nga shkëmbi.
Fillimisht, të gjithë besuan se 39-vjeçarja Yesim, trupi i së cilës u gjet në një zonë të thepisur pesë muaj pasi u raportua e zhdukur, ishte penguar dhe kishte rënë nga shkëmbi. Por, siç doli, gruaja fatkeqe pati një vdekje tragjike kur partneri i saj e shtyu nga një shkëmb 32 metra i lartë.
Policia arrestoi autorin, i cili pretendoi se ishte një aksident. Sipas tij, e dashura i kishte thënë “po” propozimit për martesë që i bëri në vendin idilik, por teksa shkoi të merrte ushqim dhe pije nga makina për të festuar kapitullin e ri të jetës së tyre, dëgjoi një britmë.
Kur mbërriti në vendngjarje, zbuloi se gruaja e tij e ardhshme kishte rënë nga shkëmbi. Historia e burrit dukej e besueshme. Megjithatë, ai u tradhtua nga unaza që i bëri dhuratë.
Gjatë hetimeve, policia zbuloi se vajza nuk e kishte vendosur pasi ishte ende në kutinë e saj, në xhepin e tij./abcnews.al
