Kreu i Këshillit Francez për Fenë Myslimane (CFCM), Mohammed Moussaoui, tha të hënën se muslimanët në Francë nuk u persekutuan, ndërsa më shumë protesta po ndodhnin në Lindjen e Mesme dhe një thirrje për bojkot pas deklaratave të presidentit francez Emmanuel Macron.
“Franca është një vend i madh, qytetarët muslimanë nuk persekutohen, ata janë të lirë të ndërtojnë xhami dhe të praktikojnë fenë e tyre lirshëm,” tha Moussaoui, bashkëbiseduesi kryesor i autoriteteve franceze për çështjet e Islamit.
“Ne e dimë që promovuesit e këtyre fushatave thonë se ata po mbrojnë Islamin dhe ne u bëjmë thirrje muslimanëve të Francës për mençuri. Të gjitha fushatat për të denigruar Francën janë joproduktive dhe krijojnë ndarje”, shtoi Moussaoui, duke kërkuar që “besimtarët të mbrojnë interesat e vendit”.
Presidenti turk Rexhep Tajip Erdogan bëri të hënën thirrje për bojkot të produkteve franceze pasi vuri në dyshim shëndetin mendor të Macron.
