Ministri i Ekonomisë, Kreshnik Bekteshi është ministri më i pasuri nga radhët e BDI-së. Në paraqitjen e tij të fundit ai ka deklaruar se posedon pasuri prej 1.993.070 euro. Pas Bekteshit vjen Ministri i Ekologjisë me pasuri prej 1.976.066 euro, Fatmir Besimi me 900.500 euro, Arianit Hoxha nga Lëvizja Besa me 630.000 euro, Jeton Shaqiri me 419.200 euro, Fatmir Bytyqi nga LSDM-ja me 410.000 euro, Bujar Osmani me 187.000 euro dhe ministri më i varfër shqiptar është Artan Grubi me pasuri prej 143.000 euro.
Në analizën e fundit të Scoop.mk janë edhe ministrat maqedonas ku me pasura është Mila Carovska dhe më i varfëri Lupce Nikollovski.
