Kemi tregues të mirë ekonomik dhe realizime të arritura në vitin e kaluar 2021, ka shkruar në Facebook, kryetari i LSDM-së dhe mandatar për formimin e Qeverisë së re, Dimitar Kovaçevski.
“Të hyrat janë rritur, kanë një nivel të rritjes së realizimit prej 15.3%, që do të thotë më shumë para për qytetarët. Rritja e ekonomisë këtë vit do të jetë mbi 4%, që do të thotë se masat ekonomike që kemi zbatuar si Qeveri kanë dhënë rezultat. Kemi nivelin më të lartë të realizuar deri më tani të shpenzimeve kapitale, realizim më të lartë për 45 për qind krahasuar me vitin e kaluar. Deficiti është më i ulët se sa ishte planifikuar, duke arritur në 5.4 për qind të BPV-së, që do të thotë se borxhi i ekonomisë ishte më i ulët. Ky është një tjetër konfirmim se ekonomia është e stabilizuar dhe pres që në vitin 2022 të realizohen projeksionet, për të përshpejtuar rritjen e ekonomisë, në interes të qytetarëve dhe ekonomisë. Në vitin në të cilin vijnë sfidat e reja me krizën energjetike, ekonomia dhe shteti janë të gatshëm të ndihmojnë qytetarët dhe kompanitë”, ka shkruar Kovaçevski në Facebook.
