Qeveria e Kosovës në krye me Avdullah Hotin ka prezantuar sot masat e reja që pritet të miratohen për parandalimin e përhapjes së koronavirusit. Kundër këtyre masave kanë dal gastronomët e vendit.
Si kundërpërgjigje për këto masa, ata i kanë shpallur 20 zyrtarë të shtetit si persona të padëshiruar nëpër lokalet e tyre.
“Shoqata e Gastronomëve të Kosovës në emër të të gjithë anëtarëve të saj, shpall Qeverinë e Kosovës NON GRATA (të padëshirueshëm). Nuk do t’ju shërbejmë në kafe, bare dhe restorante. Vendimi hyn në fuqi menjëherë!”, thuhet në njoftimin e gastronomëve.
Lista fillon me kryeministrin Hoti e përfundon me zëvendëskryeministrin Goran Rakiç.
Pjesë e kësaj liste janë edhe Albulena Balaj-Halimi, Driton Selmanaj, Besnik Tahiri, Goran Rakiç, Meliza Haradinaj-Stublla, Blerim Kuçi, Selim Selimi, Hykmete Bajrami, Vesel Krasniqi, Armend Zemaj, Agim Veliu, Anton Quni, Arban Abrashi, Besian Mustafa, Ramw Likaj, Vlora Dumoshi, Skënder Reçica, Dalibor Jevtic dhe Enis Karvan.
Ndryshe, me mesat e reja janë kufizuar shërbimet e hotelerisë dhe gastronomisë, varësisht prej zonave në të cilat gjenden komunat.
Në komunat që hyjnë në këtë zonë me rrezik më të ulët të përhapjes së koronavirusit, operatorët ekonomikë do të lejohen të punojnë nga ora 05:00 deri në orën 20:00, derisa në ato me rrezik mesatar, shërbimet e hotelerisë dhe gastronomisë lejohen të punojnë nga ora 05:00 deri në ora 18:00.
Pas kësaj ore, lejohet vetëm shërbimi “merre me vete” dhe “porosi me dërgesë”.
