Bota e gazetarisë amerikane u trondit sot nga lajmi i vdekjes së gazetares Maria Mercader në Nju Jork.
Gazetarja dhe producentja 54-vjecare ishte një nga personazhet më të dashur për gjigantin mediatik CBS, ku kishte punuar për rreth 30 vjet.
Për CBS, kishte ndjekur disa nga evenimentet më të rëndësishme kombëtare dhe ndërkombëtare, si vdekja e princeshës Diana, dhe atentatet e 11 shtatorit, dhe kishte fituar çmimin prestigjioz Emmy për një reportazh mbi mashtrimet në Internet.
Mercader kishte vite që luftonte kundër një kanceri, por infektimi me COVID-19 ka përkeqësuar në mënyrë fatale situatën.
