Publicistja Kimete Berisha, e ka quajtur qeverinë Kurti, si qeveri antishqiptare, përcjell Periskopi.
Në shkrimin e saj të fundit të publikuar në facebook, ajo thotë se kjo qeveri po varfëron Kosovën, për “t’u zbrazur Kosova nga shqiptarët”.
Znj.Berisha ia ka njehur disa nga veprimet e Kurtit, që siç i quan ajo janë horror.
Postimi:
Qeveri antishqiptare!
Albin Kurti po sillet si masë e dhunshme.
Është duke e dhunuar popullin shqiptar në mënyrën më të tmerrshme që do të mund të imagjinohej.
Erdhi si shpresë, solli trishtim;
Premtoi mirëqenie, solli mjerim;
Fitoi në emrin e lirisë, solli stalinizëm.
Do t’i numëroj disa veprime horror të qeverisë Kurti, dhe nuk e di a do të mund që deri në fund të shkrimit të gjejë motivin e Albin Kurtit që secilin veprim që e bën, e bën kundër shqiptarëve.
I sakrifikon shqiptarët me obsesion dhe papushim.
Pse?
Qeveria Kurti (me apo pa vetëdije), është serbofile.
Qe, t’kallzoj pse!
Pse shqiptarët janë qytetarë të dorës së dytë!
Qe, çka e bën proserb:
Po e varfëron Kosovën, për t’u zbrazur Kosova nga shqiptarët;
Ky është Rankoviqi indirekt i ditëve tona.
Ta bën të pamundur jetën në Kosovë, në mënyrë që të largohesh, dhe Kosova të boshatiset nga shqiptarët.
Jo rastësisht, sytë i ka kah diaspora.
Shqiptarët i sheh veç përjashta Kosovës.
Ndoshta nuk është normal.
Ndoshta po e lajthisin bandat e vjetra nëpër Institucione, nuk jam e sigurt….
ama edhe budalla më i madh e di se nuk i shtrenjtohet rryma popullit më të varfër në Evropë!
