Kimete Berisha:
Ditari i Kosovës: Albin Kurti i tha popullit të Tetovës ‘Ju dua’.
Për sherr, aty qëlluan plot gra të mbuluara!
I.
Barak Obama është i pari që e ka relativizuar pavarësinë e Kosovës, na ka kthyer në negociata ‘të përjetshme’ me Serbinë.
Prandaj, shumë u gëzova që i doli duqi nëpër gazeta dhe u zbulua meraku i tij për të bërë seks me burra.
Duhet të jetë një vuajtje e madhe kjo që të bën t’i qahesh ish të dashurës si Obama, që çdo ditë (sa ke bërë seks me grua), ke ëndërruar të bësh seks me burra.
II.
Unë kujtoj se secili mashkull që e shan gruan, neveritet nga gruaja, dhe e maltreton gruan (por nuk ndahet nga ajo), ketë e bën sepse
proteston pse gruaja e tij nuk është burrë.
Por ju mos u bazoni në mendimet e mia, se mund të ndodh e kam gabim.
III.
Protesta e burrave pleq e organizuar nga xhamia kundër seksit në skenën teatrore të Prizrenit ishte shumë e dhimbshme.
Gjynah, pleqtë duan moral.
Sa më pak që ndjen, aq më i moralshëm bëhesh.
Lidhur me faktin se mëkatarët më të mëdhenj ulen në rendin e parë të xhamisë, s’kam çfarë të shtoj.
Pleqve të Prizrenit duhet t’ua sqarojë shteti se se artistët kanë luajtur në teatër e nuk e kanë në repertor t’u shkojnë te shtëpitë e të zhveshen para tyre -moszotallah!
Komuna e ka për detyrë të organizojë trajnime me psikologë për heqjen e frikës së pleqve nga organet seksuale, ndaj të ‘cilave’ sillen me hidhërim aq të madh thuajse kurrë s’kanë parë sisa.
IV.
Qe, shiheni Albin Kurtin se si nuk u frikēsohet femrave, anipse nën unazë, i këndon asaj arbëreshes që është aq arbëreshe sa që nuk përmbahet as ipeshkvi, ia jep arbëreshes një manushaqe, çfare i ka qëlluar në dorë.
Sa bukur.
Shumë më pëlqen dashuria.
V.
Albin Kurti ia vodhi stilin Agim Bahtirit.
Agimi ishte i pari politikan në botë që e shprehte me
fjalë dashurinë ndaj popullit.
Albin Kurti për herë të parë i tha ‘Ju dua’ popullit të Tetovës.
Për sherr, në mesin e popullit kishte plot gra të mbuluara.
Një udhë e dy punë, populli evropian i Tetovës kishte shkuar për konceritn e ‘Elita 5’.
E ‘Elita’ e nervozuar që po përdoret politikisht nga Albin Kurti, bërtiti si e trentë:
‘Ti s’mund ta pushtosh
aq lehtë zemrën time
si konkuistadori
Amerikën Latine;
S’ta kam vjedhur zemrën
unë ty me revole
pasi shpesh më thua
se jam Al Kapone’.
VI.
Kryeministri i Maqedonisë u nervozua me vonesë me Albin Kurtin, pasi piu macja ujë’, pasi Albin Kurti e hëngri ‘tavën me groshë’.
Tetova ështe vendlindja e kësaj tave të njohur.
Para se shteti maqedon të fillojë hetimet për vizitën e kryeministrit të Kosovës në Tetovë, Albin Kurti konstatoi se Maqedonia është më e ‘fuqishme’ se sa Zoti.
Sepse, sipas kryeministrit, Tetova dhe Prizreni derisa kanë qenë në qiell – kanë qenë një qytet, por kur zbritën në Tokë, i ndau mali Sharr.
Pra, edhe Mali Sharr është më i fuqishëm se Zoti.
Nuk ish dashur të jetë kështu.
Ish dashur që ata që i bashkon Zoti – të mos i ndajë mali.
Pra, Prizreni ishte ‘Adami’ që e hëngri mollën e popullarizuar të Tetovës të njohur në Beograd si ‘Tetovo jabuka’.
Prandaj, ata pleqtë myslimanë të Prizrenit i tuten mollës.
VII.
E Vjosa Osmani, nuk e ka kundërshtuar kryeministrin e saj për emërimin e ushtarit të Millosheviqit zv.ministër, sepse ky krim i Albin akurtitnduket normal…
pasi që edhe vet babai i saj ka punuar në Mbrojtjen Popullore (serbe) të asaj kohe të errët për shqiptarët.
VIII.
Edhe Vetëvendosje kanë garantuar që zv.ministri serb ka qenë ushtar (por s’ka qenë në luftë), njësoj si Albin Kurti që u bë veteran i UÇK-së (anipse s’ka qenë në luftë).
E, ku e di Albin Kurtin që ushtari serb i Millosheviqit nuk ka qenë në luftë?
Ka qasje në arkivin e ushtrisë serbe, apo ushtria serbe kanë qasje në sekretet e tij!
IX.
I kisha thënë Presidentes që po duket qesharake që unazën e martesës po e mban në gishtin e mesëm, por po ma zënë kryer pastaj, po më thonë: valla më mirë në gishtin e mesëm sesa si ti – hiç.
X.
Faton Peci ndërkohë ka sharruar në lulediell deri në fyt, ka treguar se luledielli është shumë i mirë dhe se është aq i mirë sa që edhe Van Gogu e ka piktuaruar…
Por deri tani nuk ka realizuar fotografi me kallamoq në dorë.
XI. Ju e dini se hoxhën Shefqet Krasniqi e kam simpati dhe shih për këtë ia bëra follow në Instagram. Fliste serbes për birësimin.
Tha: birësimi është haram.
Ia tërhoqa follow-in (derisa t’më hiqet nervoza), sepse profeti Muhamed vet e ka birësuar një djalë Zaid (s’është me rëndësi a para zbritjes së Kur’anit a pas zbritjes, kryesore e ka birësuar).
Dhe, pasi që Zaid është divorcuar nga gruaja e tij, profeti Muhamed është martuar me ish-gruan e djalit të birësuar.
Ndoshta kështu ka dashur të argumentojë se ‘i huaji i joti s’bëhet’.
XII.
P.S. Ata më thonë: Ti shkruan kundër Albinit sepse nuk të ka dhënë pozitë?
– Unë u them: O shqiptarë, Albini më ka ofruar të bëhem deputete (qe pyete Glaukun) – por s’kam dashur.
Koha e dëshmoi se s’kam gabuar që kam refuzuar.
Qysh kisha mundur të pres lejen e Mimoza Kusarit për t’i thënë asaj ‘idi u sto…’.
Më përpara e marr malin se sa që pranoj të më tregoj mua dikush se çfarë duhet të mendoj!
Unë jam si uji që jeton me ujin e nuk përzihet me të.
Për të më kuptuar se çfarë po mundohem të them: shikojeni ujin e oqeanit Paqësor se si është i bashkuar me Atlantikun, por nuk përzihet me të.
Në disa raste, si në rastin tim, as uji me ujin nuk bashkohen.
