Kur kanë mbetur edhe disa muaj që na ndajnë nga zgjedhjet e rregullta lokale në Maqedoninë e Veriut,partitë kanë filluar të përgatiten për një tjetër përballje elektorale. Në ndërkohë që në disa parti tashmë kanë filluar të përfliten edhe emrat e kandidatëve të mundshëm për të marrë drejtimin e komunave për katër vitet e ardhshme.
Në vijë të kësaj brenda partisë më të madhe opozitare ASH që është në koalicion me AA, janë tre emra që pritet të jenë kandidatë kryesorë për Tetovën.
Një ndër ta është Hajrulla Hasani. Ai ka qenë disa herë drejtor i BDI-së ku ka pasur suksese në çdo institucion dhe aktualisht është një biznismen i sukseshëm.
Kandidati tjetër është poashtu një emër i njohur brenda kësaj partie. Ai është Flakron Bexheti, zëdhënës i ASH-së.
Kandidati i tretë i mundshëm është Vullnet Ferati, aktualisht nënkryetar i ASH-së.
Këta pretendohet të jenë përballë Teuta Arifit për garën në zgjedhjet lokale në qytetin kryesorë të shqiptarëve në Tetovë.
Ndryshe vetëm Nevzat Bejta ka zyrtarizuar deri tani kandidaturën e tij për Gostivarin i cili pritet të përballet edhe një herë me Arben Taravarin e ASH- së, kryetar aktual në këtë qytet.
