Një përplasje fizike mes deputetëve ka ndodhur sot në Kuvendin e Kosovës, pas debatit për të pagjeturit. Përplasja fillimisht ka nisur mes Shefit të Grupit Paralamentar të LDK’së, Arben Gashit dhe deputetit të VV’së, Arbër Rexhën.
Më pas në këtë përplasje, janë përfshirë edhe deputetët e tjerë, nga të dy partitë. Për këtë incident, është deklaruar edhe deputeti i Lëvizjes Vetëvendosje, Hekuran Murati. Murati tha për Express se nuk ka pasur përplasje fizike.
“Nuk ka ka pasur përplasje vetëm ndërhyra me i nda. Nuk pati përplasje ndërhyra për me i qetësua. Nuk ka pasur asnjë sulm fizik”, ka deklaruar Murati. Murati tha se deputetët e LDK’së e kanë penguar deputeten e VV’së të flasë.
“Ka qenë një situatë e tensionuar ku deputetët e LDK-së kanë tentuar mos ta lejojnë të flasë deputeten Saranda Bogujevci”, ka thënë Murati. Ndërkohë, seanca e Kuvendit të Kosovës është ndërprerë pasi deputetët janë shtyrë edhe fizikisht mes vete
