Kryeministri i Kosovës, Avdullah Hoti është kërcënuar me djegie, pasi gjatë ditës së sotme paralajmëroi mbyllje totale të vendit, sepse rastet me Covid-19 po rriten.
Hoti përmes një postimi tha se institucionet tona po bëjnë të gjitha veprimet e nevojshme, por na duhet kujdes maksimal dhe solidaritet i plotë për të evituar mbylljen totale, e kjo deklaratë e ka irrituar një qytetar.
R.H (emër i njohur për redaksinë e Indeksonline.) në një medium që e ka shpërndarë lajmin e kryeministrit Hotit, ka thënë: “Un jam qaj i Pari që ka me ardh midis qeveris me ta shti flaken me ta q… at gjak Mutit qe ki maje men ko mu ba Kurban i shqiptarve provo mbylle venin“.shkruan Indeksonline.
