Kreu i Komunës së Tetovës Bilall Kasami njofton se:
“Në hapësirat e Komunës së Tetovës, së bashku me drejtorin e Agjencisë për Rini dhe Sport, Naumçe Mojsovski, bëmë pranim-dorëzimin e pishinës së mbyllur në qytetin tonë, e cila do t’u shërbejë shkollave dhe të rinjve tanë.
Së bashku me drejtorin vizituam pishinën dhe pamë nga afër edhe kushtet që ofron kjo pishinë. Ne si komunë do të ndërhyjmë në rrethimin e pishinës, për të ofruar siguri më të madhe për notuesit dhe vizitorët. Jemi duke punuar seriozisht për përmirësimin e kushteve në të gjitha sferat, sepse tetovarët dhe rinia jonë meritojnë një qytet me aktivitete kulturore dhe sportive, një qytet të barabartë për të gjithë!”, shkruan Kasami në Facebook.
