Në një atmosferë madhështore dhe me respektim të protokoleve shëndetësore Lëvizja Besa sonte ka mbajtur tubimin qendror në Çashinë e Epërme të Tetovës. Para të pranishmive kreu i Lëvizjes Besa dhe kandidat potencial për të marrë drejtmin e Komunës së Tetovës, Bilall Kasami ka shpalosur programin “ME KA KREJT PËR KOMUNËN TONË”.
Kasami ka folur për mungesën e parkingjeve në qytetin e Tetovës, ku ka deklaruar se për çdo banesë dhe shtëpi do të ketë parking adekuat, si dhe në Tetovë do të ndërtohen parkingje me kate. Kasami tha se deri sa të zgjidhet tërësisht ky problem, parkingjet në Tetovë do të jenë pa pagesë.
Në programin e Bilall Kasamit për Tetovën janë paraparë parkingje me kate në zonën qëndrore, ndërsa në zonat tjera parkingje me sistem montimi.
