Kryetari i Lëvizjes Besa, Bilall Kasami njëherit edhe kreu i komunës Tetovës, në Klan Maqedoni sonte ka folur rreth zgjedhjes së tij edhe për një mandatë në krye të partisë. Kasami ka nënvizuar se në Lëvizjen Besa funksionon parimi i demokracisë, duke e konsideruar kongresin e dytë si të suksesshëm dhe me gjitha tiparet demokratike.
Më tej Kasami ka folur edhe për udhëheqjen e Tetovës, duke thënë se qeverisja e tij do të jetë shembull, jo vetëm për Tetovën por edhe për gjithë shtetin.
Gjithashtu ai ka deklaruar se Besa është e gatshme për zgjedhje të parakohshme parlamentare.
