Kreu i Lëvizjes Besa Bilall Kasami nuk mori pjesë në takimin e liderëve të partive parlamentare. Ai tha se ky takim është organizuar për të shpëtuar BDI-në nga përgjegjësia e premtimeve të parealizuara. Ky reagim i Besës erdhi pak ditë pasi ftesës për një takim tjetër mes partive shqiptare nuk ju përgjigjën të gjitha partitë pozitivisht.
“Nuk e llogarisim si punë hakmarrje për shkak se ne paraprakisht thirrëm tryezën e partive shqiptare dhe ne vlerësojmë se edhe ftesa e kryeministrit menjëherë pas ftesës tonë mund të jetë një sabotim i takimit të partive shqiptare. Ne kërkojmë që në këtë hapje të Kushtetutës të zgjidhet një herë e përgjithmonë termi i 20%-shit. E përmenda edhe në deklaratë se nuk kemi dilema sa i përket procesit euro-integrues të vendit”, tha Bilall Kasami, kryetar i Lëvizjes BESA.
