Mediat rumune pretendojnë se largimi i Kosovës drejt zhveshtoreve ishte i paramenduar, pasi që thuhet se është ‘zbuluar’ se çfarë po bënin futbollistët e Kosovës për afërsisht 1 orë.
Sipas raportimeve në mediat rumune, futbollistët e Kosovës qëndruan në zhveshtore duke ngrënë pica, derisa futbollistët rumunë po prisnin në mot të ftohtë në mes të fushës.
Si shkas i veprimeve të futbollistëve të Kosovës, mediat rumune pretendojnë se veprimi i Kombëtares së Kosovës ishte i paramenduar
Përpos mediave rumune, edhe prestigjiozja “Daily Mail” ka raportuar se futbollistët e Kosovës kishin marrë pica në zhveshtore derisa rumunët po prisnin për fatin e ndeshjes.
“Përderisa yjet e Rumanisë qëndronin në fushë në temperatura prej -2 gradë Celsius, lojtarët nga Kosova dyshohet se kanë ngrënë pica në dhomën e zhveshjes së mysafirëve dhe nuk kanë pranuar të dalin në fushë. Ndeshja u ndërpre përfundimisht një orë pasi u ndërpre me rezultatin 0-0”, thuhet në raportimin e Daily Mail.
