Shumë media në Itali të premten kanë shkruar se Juventusi ka identifikuar dy tifozë që ofenduan Romelu Lukakun në baza racore të martën mbrëma.
Njëri nga ta ishte i rritur, i cili ka marrë dënim përjetë në “Allianz Stadium”, kurse tjetri i mitur.
Sektori i tifozëve “Curva Sud” të Juventusit është dënuar me një ndeshje për shkak të fyerjeve racore ndaj Lukakut, në ndeshjen e parë të gjysmëfinales së Kupës së Italisë ndaj Interit, në Torino.
Juventusi dhe Interi barazuan të martën mbrëma në ndeshjen e parë të gjysmëfinales së Kupës me rezultatin 1:1.
