Kryeministri i Mbretërisë së Bashkuar, Boris Johnson ka thënë se Britania e Madhe do të shkaktojë dhimbjen maksimale ekonomike në makinën e luftës së Putinit.
“Për sa kohë që Putini vazhdon sulmin e tij barbar ndaj ukrainasve të pafajshëm, ne do të vazhdojmë të ushtrojmë çdo fuqi që kemi për t’i shkaktuar dhimbjen maksimale ekonomike Putinit dhe makinës së tij të luftës”, u shpreh ai.
Sipas rregullave të reja, Usmanov dhe Shuvalov do të kenë të ngrira asetet e tyre dhe do t’u ndalohet të udhëtojnë në Mbretërinë e Bashkuar, raporton BBC.
