Gjatë ditës së sotme, bashkë me Ministrin e Financave, z. Fatmir Besimi vizituam Dibrën, ku Kryetari i Komunës së Dibrës, z. Hekuran Duka dhe deputetja e zonës znj. Arbana Pasholli, na njoftuan me projektet e nisura në qytetin e Dibrës.
Në këtë mandat katër vjeçar të qeverisjes lokale në Dibër, është investuar në disa projekte kapitale, duke filluar nga asfaltimi i rrugëve, ndërtimi i rrjeteve të kanalizimeve, të ujërave atmosferik dhe të zeza, ndërtimi i trotuareve, ndriçimi i rrugëve, investime në shkolla dhe institucioneve të tjera.
E ardhmja e Dibrës është e sigurtë dhe me këto ritme të punës, qytetarëve do t’iu japim vetëm më të mirën, me qëllim që t’iu mundësojmë jetë më cilësore.
