Drejtori i Agjencisë për Promovimin dhe Mbështetjen e Turizmit Ljupço Janevski komentoi se vendi synon të rrisë numrin e netëve për 15 deri në 20 përqind në vitin 2022 dhe të rrisë numrin e turistëve nga 10 deri në 15%.
Siç njofton AIM nga Sofja, Janevski shpreson se Maqedonia në vitin 2022 do t’i kalojë 2.5 milionë fjetje dhe do të rrisë seriozisht të hyrat në krahasim me vitin 2019. Në vitin 2020 fokusi ishte te turizmi i brendshëm në Maqedoni, në vitin 2021 në vendet e rajonit, të cilat realisht përbëjnë 50% të numrit të përgjithshëm të turistëve të huaj.
Sipas Janevskit, në vitin 2022 rajoni do të vazhdojë të jetë prioritet dhe do të vazhdojë për hapjen e mëtejshme të tregjeve të reja. Këtë vit turistët nga Holanda, Belgjika, Polonia, Britania e Madhe do të jenë të mirëpritur përmes disa kompanive vendase turistike dhe grupeve dhe mysafirëve individualë nga Turqia, Polonia dhe vende të tjera”, thai Janevski.
Sipas tij e gjithë kjo do të varet nga politika botërore dhe stabiliteti ekonomik.
“Turistët që vijnë në Maqedoni dëshirojnë të shpenzojnë më shumë, të vizitojnë një numër të atraksioneve dhe ne si sektor duhet të mundësojmë këtë”, tha Janevski.
