Pyetja nuk është më nëse Maqedonia e Veriut do të bëhet anëtare e BE-së pyetja është kur do të ndodh kjo…deri atëherë Holanda do të vazhdojë të ndjekë në mënyrë kritike reformat e nevojshme tha Ambasadori i Mbretërisë së Holandës Dirk Jan Kop në një intervistë për SDK. Ai thotë se kjo qasje nuk e vë Maqedoninë e Veriut në pozitë të padrejtë por përkundrazi duhet të stimulojë shtetin të ndërmarrë hapat e tjerë të nevojshëm në rrugën që ka zgjedhur.
“Përkundër shumë çështjeve urgjente si koronavirusi, Brexit, imigrimi masiv, etj., Që nga marsi Komisioni Evropian, së bashku me vendet anëtare ka përgatitur kornizën negociuese për Maqedoninë e Veriut. Holanda i dha mbështetjen e saj të plotë këtij dokumenti dhe së bashku me vendet e tjera anëtare, ranë dakord për të filluar negociatat; të gjithë përveç një shteti anëtar Bullgarisë. Bullgaria donte të shtonte çështje bilaterale në kornizën e negociatave, të cilat sipas vendeve të tjera anëtare, nuk kanë vend në korrnizë. Bullgaria është e vetme në këtë çështje.
Duhet të mbahet mend gjithashtu se shumë vendeve të tjera u është dashur të zgjidhin çështje të vështira bilaterale përpara se të bashkohen me BE-në. Ndërkohë, e gjithë kjo nuk duhet të dramatizohet në mënyrën siç duket se është bërë dhe po bëhet për momentin. Kalimi i 35 kapitujve negociues me BE në vitet e ardhshme do të thotë se ka shumë semaforë në rrugën përpara jush dhe duhet të ndezni dritën jeshile në secilin prej tyre. Mesazhi im do të ishte të mos i jepet shumë rëndësi secilit semafor individual por të vazhdoja me reformat.
Qëllimi përfundimtar nuk është kalimi i ngërçit bullgar por anëtarësimi në BE në fund të rrugës” tha mes tjerash” tha mes tjerash Dirk Jan Kop. Ambasadori holandez në vend thekson se vendi ka formuar një mentalitet të korrupsionit në çdo pore në shoqëri, dhe se beteja kryesore do të duhet të zhvillohet në luftimin e këtij fenomeni.
“Korrupsioni është një gjendje mendore e të gjithë shoqërisë, nga korrupsioni në furnizime publik, kronizmi dhe nepotizmi në nivelin më të lartë, te kryetarët e komunave, gjykatësit, te njerëzit që janë të gatshëm të paguajnë ryshfet, ata që mbajnë një shishe uiski kur shkojnë te mjeku dhe ata që u sjellin dhurata mësuesve të fëmijëve të tyre gjatë muajit mars.
Korrupsioni ekzistues gjithashtu çon në nevojën për të arritur një ekuilibër politik në çdo emërim në zyrat qeveritare. Për shembull, është për të ardhur keq që edhe drejtorët e parqeve kombëtare janë të emëruar politikisht. Bindja ime e fortë është që njerëzit nuk duhet të punësohen për ekuilibër politik, por në bazë të meritës, llogaridhënies dhe profesionalizmit”, pohoi ambasadori Jan Kop
