Demi Lovato ka deklaruar se momentalisht është e papërcaktuar në gjini.
Këngëtarja me famë ndërkombëtare do të përdorë përemrat ‘’Ai’’ dhe ‘’Ajo’’ për veten e saj.
‘’Jam akoma duke mësuar dhe ardhur në veten time’’, ka thënë mes tjerash ylli i muzikës, e cila tani është zyrtarisht një identitet gjinor jo binar.
‘’ Kjo ka ardhur pas shumë punimesh shëruese dhe vetë-reflektuese. Unë jam ende duke mësuar dhe po hyj në vetvete, dhe nuk pretendoj të jem eksperte ose zëdhënëse. Ndarja e kësaj me ju tani hap një tjetër nivel të cenueshmërisë për mua. Po e bëj këtë për ata atje që nuk kanë qenë në gjendje të ndajnë se kush janë në të vërtetë me të dashurit e tyre. Ju lutemi vazhdoni të jetoni në të vërtetat tuaja dhe ta dini se po dërgoj aq shumë dashuri në rrugën tuaj”, ka shkruar Demi.
Ai/ajo ka dhënë mbështetje të gjerë për komunitetin LGBTI. Në vitin 2016, Lovato anuloi një koncert në Karolinën e Veriut pasi shteti miratoi një ligj që kufizonte aksesin në banjë për personat transgjinorë dhe gjithashtu kishte bërë fushatë për martesat mes gjinisë së njëjtë.
Lovato është personazhi i famshëm i dytë me gjini të papërcaktuar, pas këngëtarit/es Sam Smith, i/e cili/a njoftoi identitetin e tij/saj gjinor në mars të vitit 2019, duke thënë: “Unë nuk jam mashkull apo femër, mendoj se rrjedh diku në mes”.
