Jahja Kemal është 100% brend
‘Ejani, që të luftojmë kundër kësaj organizate teroriste, në mënyrë të thjeshtë edhe atë që të mos mbetet vetëm në nivel deklarativ’, kështu ka deklaruar ambasadorja turke në Maqedoni, Tulin Erkal Kara prindërve të nxënësve në kolegjin privat Jahja Kemal në mbarë Maqedoninë.
‘Ejani të luftojmë kundër kësaj organizate teroriste’, ka deklaruar ambasadorja turke në promovimin e fondacionit Maarif në Tetovë, ambasadorja ka apeluar tek të gjithë prindërit në Maqedoni dhe tek opinioni mbarë …’ejani gjithë së bashku dhe fëmijët tanë t’i regjistrojmë në shkollat e fondacionit Maaris. Derisa ne si prindër nuk duam fëmijët tanë në të ardhmen të jenë terorist, duhet që të drejtohemi tek shkollat e Maarif sepse Jahja Keman nuk na përfaqëson neve. Ejani të luftojmë kundër kësaj organizate teroriste’, ka deklaruar para mediave ambasadorja Kara.
Në rrjetin e institucioneve arsimore nën brendin Jahja Keman janë kopshte, shkolla fillore dhe dy të mesme në Shkup, fillore dhe e mesme në Strugë dhe Tetovë, e mesme në Gostivar dhe Strumicë ku mësimi zhvillohet në gjuhën angleze, maqedonase, turke dhe shqipe. Gjithë nivelet e mësimit të brendit Jahja Kemal me vite janë vlerësuar për sferën e arsimit privat në Maqedoni dhe deklarata e ambasadores ka nxitur reagime dhe në shkolla por edhe në një pjesë tek prindërit e fëmijëve në rrjetet sociale të cilët e akuzojnë diplomaten për gjuhën e urrejtjes.
Zëdhënësi i Jahja Kemal, Surja Tauk ka deklaruar për Zërin e Amerikës në gjuhën maqedonase duke potencuar se të gjitha nivelet e arsimit në këtë shkollë nxjerin nxënës dhe nivel akademik e jo terorist.
Jahja Kemal është 100% brend i Maqedonisë dhe nuk ka të vërteta e as akuza se nuk e kemi promovuar sa duhet Turqinë. E sigurisht nuk janë të vërteta akuzat për terorizëm, nxënësit tanë secilin vit marin cmime e mirënjohje në disciplina të ndryshme në nivele ndërsa nxënësit tanë shkojnë studiojnë në universitete të ndryshme botërore, ka deklaruar kështu Tauk. Nëse ambasadorja ka dëshmi le t’i bëj të ditur në organet kompetente e më pas gjykata le të vërtetojë se kush është terorist, ka thënë Tauk.
Ish nxënësit e Jahja Kemal sot janë student në deri diplomin e studime master e doktoraturës në universitete të ndryshme si në SHBA, Gjermani, Britani të Madhe e shumë vende të tjera perendimore.
Vetëm në periudhën 2013-2016 nxënësit e 9 shkollave Jahja Keman në Maqedoni në shumë gara dhe evenimente kanë marrë 142 shpërblime edhe atë 20 të arta, 45 të argjendta, 55 të bronzta dhe 24 mirënjohje, pas gjithë këtyre sukseseve nga Jahja Kemal në vitin 2016 nuk do të deklarohen lidhur me këto cmime nga jashtë por që do të lënë që vet nxënësit të flasin për këtë e vetëm në vitin 2017 këto cmime janë dyfishuar dhe atë 228 (53 të arta, 118 të argjendta, 42 të bronzta dhe 15 mirënjohje.
Ditën kur ambasadorja deklaroi akuza të rënda ndaj Jahja Kemal ka arritur edhe lajmi nga Kembrixh se 11 nxënës nga Struga dhe Strumica në garën për intelektual në temën Mossuksesi rrugë drejt suksesit ku kanë marrë pjesë 963 nxënës nga 28 vende, nxënësit e tyre kanë marrë 18 medalje të arta, 6 të argjendta, 6 të bronzta dhe 8 mirënjohe.
Nga Ministria e arsimit dhe shkencave për mediat kanë deklaruar se puna e gjithë shkollave në Maqedoni është nën kontrollën e tyre dhe se nga ambasada turke nuk kanë marrë ndonjë kërkesë zyrtare për hetim ose mbyllje të ndonjërës prej tyre. Qëndrimi i MASH është se nxënësit lirshëm mund të regjistrohen në ato shkolla që janë në pajtueshmëri me punën e ministrisë dhe se punojnë sipas ligjeve dhe rregullave të vendit e njejtë është dhe Jahja Kemal.
Debati rreth Jahja Kemal ka nisur para deklaratës së presidentit turk Edogan që këtë shkollë e quajti si të afërt me lëvizjen Feto të Fetulla Gylen. Në shkurt të 2017 vetëm tre muaj nga emërimi në një intervistë për mediat ambasadorja turke Tulin Erkal Kara deklaroi se pas formimit të qeverisë së re do të intensifikojnë bashkëpunimin kundër Fetos në Maqedoni. “Do qëndrojmë pas secilit që do të kundërshtojë strukturat e Fetos, në Maqedoni ka shtatë shkolla, gazeta dhe organizata tregëtare nën emrin Zaman, më pas ka edhe shumë kompani dhe institucione turke të cilët janë infiltruar në mënyrë të ngjajshme si kanë bërë në Turqi.
Sipas ambasadores, informacionet që njerëzit disponojnë e që kanë këtu nuk janë të qarta rreth atyre që kemi ne, në këtë intervistë ajo ka potencuar se Feto ka shkolla në 115 vende dhe se për këto shkolla në Maqedoni shteti turk nuk ka kërkuar që të mbyllen por që marrje e tyre dhe më pas transferim në ingerenca të fondacionit Maarif.
Duke potencuar se Turqia është një nga vendet e para që ka pranuar pavarësinë e Republikës së Maqedonisë, ambasadorja Kara ka thënë se për Feton si secili turk edhe ajo si Erkal Kara deri në frymën e fundit do të luftojë kundër kësaj strukture.
