Një person i moshës 63 vjeçare ndërroi jetë nga Kovid-19 gjatë 24 orëve të kaluara në rajonin e Tetovës, me çka gjithsej 90 persona e humbën jetën nga kjo sëmundje. Janë regjistruar 15 të saposëmurë.
“Pesëmbëdhjetë rastet e reja me Kovid-19 janë banorë të komunës së Tetovës”, informoi mjekja Zorica Zafirovska, specializante e Epidemiologjisë pranë Qendrës së Shëndetit Publik në Tetovë.
Sipas të dhënave të Institutit për Shëndet Publik, janë shëruar 13 persona. Nga gjithsej 1.470 të diagnostikuar me Kovid-19, aktivë janë 150 persona.
Sipas policisë së Tetovës për shkak të mosrespektimit të dekretit të Qeverisë për parandalimin e përhapjes së Kovid-19 gjatë 24 orëve për mosmbajtje të maskave mbrojtëse 70 personave në rajonin e Tetovës iu janë shqiptuar gjoba. Në rajonin e Tetovës 55 persona kanë marrë vendime të reja për izolim nga Inspektorati Shtetëror Sanitar dhe Shëndetësor.
