Armend Fazliu, kuadër i Bashkimit Demokratik për Integrim, do të jetë drejtor ekonomik në Spitalin Klinik në Tetovë. Ai aktualisht është sekretar organizativ në Degën e BDI-së Tetovë.
Ai ka ushtruar edhe një tjetër funksion të rëndësishëm në Komunën e Tetovës si Shef i Zyrës për Komunikim i këtij institucioni.
Spitalin Klinik dhe atë ekonomik në Tetovë do ta drejtojnë dy kuadro të rinj.
Ditë më parë u bë e ditur se Spitalin Klinik të Tetovës do të drejtojë mjeku Amir Elezi nga Nerashti i Tetovës, kuadër i partisë Alternativa që u bë pjesë e Qeverisë së Maqedonisë.
