Ish-deputetja e Lëvizjes Vetëvendosje dhe ish-anëtarja e Partisë Socialdemokrate, Aida Dërguti, e ka thumbuar kryetarin e VV-së, Albin Kurtin, duke ia kushtuar një poezi të Fan S. Nolit.
Dërguti përmes një postimi në Facebook ka thënë për ish-kryeministrin Kurti, se deri dje ofendonte e sot po jep lëvdata, pasi ky i fundit sot në një prononcim për media tha se ndaj Hashim Thaçit, Kadri Veselit, Jakup Krasniqit e Rexhep Selimit, që janë të akuzuarit e Gjykatës Speciale, shteti duhet të iu organizojë një mbrojtje.
Sipas Kurtit, UÇK-ja nuk është organizatë kriminale dhe të akuzuarit në Hagë nuk kanë kryer kri*me lu*fte. Për këtë deklaratë të tij, sipas Dërgutit, Albin Kurti ka ndërruar fjalët e tij, pasi vitin e kaluar për Thaçin kishte thënë se duhet të shkojë në Hagë.
“Dhe Feridi faqe ndron, Die shante, sot lëvdon, Fryn bulçit’ e trumbeton, Që Katrani zbardhëllon”, ka shkruar ajo.
