iPhone-i i ri 16 do të prezantohet më 9 shtator. Lajmi u njoftua në X nga Greg Joswiak, nënkryetar i lartë për marketing në Apple.
Sipas informacioneve të deritanishme, seria iPhone 16 do të përfshijë katër modele të iPhone 16.
Sa i përket risive, modelet e iPhone 16 pritet të kenë një kamerë të ridizajnuar dhe një buton të ri për regjistrim për qasje më të lehtë në funksionet e kamerës.
Modelet iPhone 16 Pro dhe iPhone 16 Pro Max, thuhet se do të kenë një sensor ultra të gjerë të azhurnuar dhe një ngjyrë të re. Ekranet më të mëdha do të jenë gjithashtu në iPhone 16 Pro dhe iPhone 16 Pro Max. Të katër modelet e iPhone 16 pritet të kenë një Action Button, që deri tani ka qenë ekskluziv për serinë Pro të iPhone 15.
Funksionet e AI dhe Apple Intelligence gjithashtu do të jenë një pjesë e rëndësishme e ngjarjes së Apple. Aktualisht, modelet e vetme që mbështesin Apple Intelligence janë iPhone 15 Pro dhe 15 Pro Max, por thuhet se tani e gjithë linja e iPhone 16 do të mund të përdorë Apple Intelligence.
