Kompanitë në sektorin privat kanë shumë nevojë për para të freskëta. Numri i kompanive që kanë aplikuar për linjën e kredisë pa interes Kovid 3 është rritur për tetë herë. Për këtë linjë kredie janë siguruar 30 milion euro dhe është destinuar për ndërmarrjet mikro dhe të vogla, për tregtarë individual dhe zejtarë si dhe për kategoritë e sipërmarrjes së grave. Shuma maksimale e kredisë mund të jetë deri në 15 mijë euro, me afat pagese prej tre vjetësh dhe mundësi për grejs periudhë prej gjashtë muajsh. Kompania me kredi të miratuar mund të kërkojë edhe “grand komponent” për lehtësimin e borxhit prej 30% nga shuma e kredisë së marrë.
