Inflacioni në Eurozonë ka arritur në 10% në muajin shtator, njëherësh shifra më e lartë prej daljes së euros në treg. Kështu ka thënë të premten Agjencia e Bashkimit Evropian për Statistika – Eurostat. Sipas saj, inflacioni këtë muaj është rritur për dallim nga 9.1% sa ka qenë në gusht. Rritja e çmimeve të energjisë, të ushqimit dhe atyre në sektorin industrial, është thënë të kenë ndikuar në këtë rritje.
Inflacioni në Estoni ka rënë në muajin shtator në 24.2%, për dallim nga 25.2% sa ka qenë në gusht. Megjithatë, shkalla e inflacionit në këtë shtet është më e larta në Eurozonë. Lituania, Letonia dhe Holanda janë shtetet tjera me inflacionin më të lartë në Eurozonë me 22.5%, 22.4%, dhe 17.1%, respektivisht. Franca ka raportuar shkallën më të lartë të inflacionit në 6.2%. Gjermanisë – ekonomisë më të madhe në BE – i është rritur inflacioni në 10%.
Rritja e kërkesës për produkte dhe shërbime tjera, pas heqjes së masave kufizuese për luftim të pandemisë së koronavirusit dhe lu*fta e Rusisë në Ukrainë, besohet se janë dy shkaqet kyçe që kanë ndikuar në rritje të inflacionit në shumë vende të botës. Disa organizata botërore kanë paralajmëruar se bota mund të përballet recesion global më 2023. Recesioni përshkruhet si tkurrje e ciklit të bizneset, dhe për pasojë ka rënie të përgjithshme të aktivitetit ekonomik./R.E.L
