Një burrë turk, Muzaffer Kayasan, ka zbuluar se ai ka rezultuar pozitiv me COVID për 78 ditë me radhë dhe nuk ka dalë nga shtëpia e tij për 14 muaj.
Muzaffer Kayasan doli për herë të parë pozitiv për koronavirus në nëntor të 2020’ës dhe nuk duket se e ka kaluar virusin edhe pas një viti e gjysmë .
Pavarësisht se vuante edhe nga leukemia, 56 vjeçi tha se nuk kishte simptoma të rënda me virusin dhe u lirua nga spitali menjëherë pas infektimit.
Që prej se është prekur nga virusi, ai ka kaluar nëntë muaj në spital dhe pesë muaj të tjerë në shtëpinë e tij në Stamboll, shkruan New York Post.
Kaysan tha: “Është shumë e vështirë. Unë as nuk mund të vaksinohem për shkak të gjendjes sime.”
Ekspertët në laboratorin e Institutit Ëhitehead zbuluan se sekuencat gjenetike nga koronavirusi mund të integrohen në qelizat pritëse (te njeriu) në një proces që njihet si transkriptim i kundërt. Kjo do të thotë se ka ende virus në sistem i cili mund të vazhdojë të kapet nga testet.
