“Nuk ka logjikë të organizohen zgjedhje parlamentare të parakohshme kur ka një qeveri stabile, dhe kjo qeveri është më e stabilja që nga vitet ’90,” deklaroi sot zëvendëskryeministri i parë dhe ministri i Mjedisit, Izet Mexhiti.
– “Që nga vitet ’90 nuk ka pasur një qeveri më të stabilizuar dhe nuk ka pasur një shumicë më të madhe se kjo – 78 deputetë. Shumica po rritet dhe sigurisht se në një kohë të shkurtër do të kalojë edhe 80 deputetë, që është dy të tretat e Kuvendit. Ky është një koment i mjaftueshëm. Për shtetin dhe qytetarët, kur ke një shumicë prej 80 deputetësh, është e panevojshme të mendohet për zgjedhje të parakohshme, sepse kjo është vetëm një shpenzim për shtetin dhe humbje kohe,” tha Mexhiti në përgjigje të një pyetjeje të gazetarëve gjatë vizitës së tij në deponinë Drisla.
Ai theksoi se organizimi i zgjedhjeve të parakohshme nuk është e dobishme, pasi të paktën gjashtë muaj para dhe pas zgjedhjeve ndalohen të gjitha procedurat, të gjitha prokurimet publike dhe punësimet.
– “Kjo ndikon shumë në ekonominë dhe biznesin. Prandaj mendoj se ata që duan të punojnë, do të jenë të pakënaqur me organizimin e zgjedhjeve të parakohshme, domethënë biznesi në këtë vend,” theksoi Mexhiti.
