Kryeministri britanik në largim Rishi Sunak deklaroi të premten se do të heqë dorë nga drejtimi i partisë së Konservatorëve, pas humbjes së thellë në zgjedhje.
“Duke parë rezultatin, unë dorëhiqem nga posti i liderit të partisë,” tha Sunak në një deklaratë që pritet tashmë të nisë garën për liderin e ri të konservatorëve.
“Për vendin, do të thoja fillimisht që më vjen shumë keq,” shtoi Sunak teksa fliste në një deklaratë televizive jashtë Downing Street.
Inceneratori i Tiranës, Apeli i Posaçëm kthen në burg Namik Simixhiun
“Unë i kam dhënë gjithçka detyrës sime, por kam një shenjë të qartë që qeveria e Mbretërisë së Bashkuar duhet të ndryshojë, dhe është gjykimi juaj, i vetmi që ka rëndësi.”
Në zgjedhjet e së enjtes, partia e Sunak doli humbëse ndaj opozitës, Partisë Laburisë. Disa ministra të kabinetit konservator humbën vendet e tyre në Parlament dhe partia duhet të vendosë tani se si t’i përgjigjet sfidave të opozitës.
Kryeministri në largim tha gjithashtu se është i vetëdijshëm për “zemërimin” e votuesve britanikë i cili i dha Partisë së tij Konservatore humbjen e saj më të rëndë që ka pësuar ndonjëherë dhe u kërkoi u kërkoi falje kandidatëve që humbën ulëset në Parlament.
