21-vjeçarja Enkeleda Çela nga Shqipëria, e cila studionte në Shkup në Fakultetin Ekonomik, rezulton e zhdukur që nga nata e së premtes. Informacioni se vajza është zhdukur është ndarë nga miqtë e saj të cilët kanë njoftuar edhe familjarët e saj në Shqipëri.
Të premten në mbrëmje, diku rreth mesnatës dhe orës 01:00, Çela doli për shëtitje rreth lumit Vardarit në lagjen Ilinden, ku banonte. Ajo nuk u kthye në shtëpi. Shoqja me të cilën jeton ka nisur kërkimin dhe sipas informacioneve Enkeleda është parë në një pikë karburant në Ilinden mëngjesin e së shtunës.
Rasti është raportuar në polici.
– Me datë 30.03.2024 në Stacionin policor Petrovec G.T. ka raportuar se E.Ç (20) nga Republika e Shqipërisë është larguar nga shtëpia në Shkup ku banonte. Po ndërmerren masa për gjetjen e personit, thuhet në njoftimin e MPB-së.
Sipas miqve të Çelës, të hënën Ministria e Punëve të Brendshme do të inspektojë kamerat në vendin ku dyshohet se është parë për herë të fundit vajza.
Sipas informacioneve ,telefoni i saj është i fikur, karta e identitetit është në shtëpi, por supozojnë se pasaporta e saj ishte në çantën e shpinës që mbante me vete.
Vajza ka flokë të kuq-kafe, mban proteza në dhëmbët e sipërm. ajo është e gjatë 160 cm dhe peshon rreth 55 kg. Kur ajo u zhduk, ajo kishte veshur xhinse dhe një xhaketë të zezë, ajo mbante një çantë shpine.
