Kryetari i Aleancës për Ardhmërinë e Kosovës, Ramush Haradinaj ka uruar që fatkeqësia që ka ndodhur në Kroaci si pasojë e një tërmeti të kalojë me sa më pak dëme në këtë situatë të rënduar nga pandemia COVID-19.
Haradinaj tha se ka pranuar me shqetësim këtë lajm, për çka sipas tij sot kanë mendjen tek populli kroat.
Ky është shkrimi i plotë :
“Me shqetësim e mora lajmin për tërmetin 5.3 ballësh që ka goditur sot Zagrebin në orët e para të mëngjesit. Me shpresë që fatkeqësia e ndodhur të kalojë me sa më pak dëme në këtë situatë tashmë të rënduar mjaftueshëm nga rreziku i përhapjes së pandemisë globale COVID-19. Sot mendjen e kemi te populli e shteti kroat! R.H.
