Haradinaj pejanëve: Ju po ia jepni Kosovës komandantin e Ushtrisë së Kosovës

10 February 2021, 17:50

Kryetari i AAK-së dhe kandidati për President, Ramush Haradinaj, ka mbajtur sot tubimin qendror në Pejë. Para qytetarëve të Pejës, Haradinaj, që është edhe kandidati për President, ka folur edhe për synimet e tij dhe të partisë që ai drejton.

“Aleanca është parti e parë në Pejë e Gjakovë. Për Deçanin e Junikun s’po ju flas, udhëheqim edhe në Suharekë e Rahovec. Në Klinë Aleanca është parti e parë, por kemi rritje edhe në Podujevë, Malishevë, Drenas, Skenderaj, kemi rritje në Gjilan dhe në Ferizaj. Në Kamenicë e Kaçanik kemi rritje të votës, në Lipjan e Shtime”, ka theksuar Haradinaj.

“Ata që po thonë se Aleanca ka këtë rezultat e atë rezultat, unë po ju them nuk po na njihni, nuk po na merrni vesh, nuk jeni kah jetoni në Kosovë, shihemi më 14 shkurt, në rezultatin tonë”, shtoi Haradinaj.

“Jo vetëm që do të kemi rritje, e do të jemi shumë në parlament, por do të jemi edhe në qeveri po po ashtu do të udhëheqim vendin me Presidentin e vendit. Pra, Pejë, ju po ia jepni Kosovës edhe njëherë komandantin e Forcave të Armatosura, urime”, tha Haradinaj në fjalimin e tij.

Haradinaj pejanëve: Ju po ia jepni Kosovës komandantin e Ushtrisë së Kosovës

Dezinfektimi i rregullt i hapësirave në UT!

Infektohet me Covid-19 moderatori i njohur