Gjykata Penale ka ngrirë pronën dhe llogaritë e ish sekretarit të përgjithshëm të Qeverisë, Dragi Rashkovski. Prokuroria ka kërkuar ndërsa gjykata ka pranuar që prona e fëmijëve të mitur të Rashkovskit të mos shitet apo të jepet në hipotekë derisa zgjat hetimi, sepse me zbatimin e procedurave publike, eventualisht është bërë dëm ndaj buxhetit prej rreth 290 mijë euro.
Në këtë rast, si palë e dëmtuar paraqitet shteti. Ndryshe, mediat para dy muajsh publikuan se familja Rashkovski po ndërton vilë luksoze në lagjen Pobozhje ndërsa si investitorë paraqiten dy fëmijët e tij të mitur. Gjithashtu, Alsat publikoi edhe se tërë pronën Rashkovski ua ka bartur fëmijëve.
