Për një periudhë tre vjeçare një grup i përzgjedhur qytetarësh në Gjermani do të paguhen çdo muaj 1200 euro pa bërë asgjë. Deutsche Welle raportoi nisjen e një eksperiementi mbi të ardhurat bazike ku përfituesit e shumës do të duhet të plotësojnë vetëm disa formularë raportimi me pyetje.
“Interesi për të marrë pjesë në eksperiment ka qenë i lartë. Brenda një jave më shumë se 1.5 milionë vullnetarë janë regjistruar dhe kanë shprehur interesin e tyre për të marrë pjesë në këtë studim të madh mbi të ardhurat bazike të pakushtëzuara. Organizatorët po shohin për një total prej 1500 pjesëmarrësisht prej të cilëve 120 do të marrin 1200 euro çdo muaj për një periudhë tre vjeçare” raportoi DW.
Paratë e këtij eksperiementi vijnë nga një grup donatorësh, të paktën 150 mijë të tillë dhe është i çliruar nga taksat. Në fund të projektit çdo pjesëmarrës do të marrë 43 mijë euro që çon në total koston e projektit 5.6 milionë euro. E gjithë kjo është nisur nga një projekt bamirësie në Berlin.
Zyrtarët nga bamirësia Mein Grundeinkommen (Të ardhurat e mia bazike) janë të bindur se një e ardhur e pakushtëzuar për të gjithë qytetarët do të zgjidhte shumë probleme aktuale. Supozimi është se njerëzit bëhen më kreativë dhe bëhen më të lirë dhe më të lumtur nëse nuk përballen vazhdimisht me presionin për të fituar para të mjaftueshme për tja dalë.
Nëse është kështu në realitet do të hulumtohet shkencërisht gjatë projektit. “Ne do të analizojmë atë që njerëzit bëjnë gjatë një periudhe kur ju garantohet siguria materiale,” tha shefi i projektit Jürgen Schupp nga Instituti gjerman për Kërkime Ekonomike (DIW).
Ndër pyetjet që do të marrin përgjithe janë: A do të shpenzojnë personat e eksperientit të gjitha paratë apo do të kursejnë një shumë të caktuar? A do të ndalojnë së punuari apo të punojnë më pak? Po ashtu, a do të dhurojnë para për të tjerët?
Eksperimenti do t’i japë ekipit të tij të gjitha përgjigjet që i duhen, thotë Schupp. Edhe ndryshimet në nivelet e stresit të njerëzve mund të identifikohen me ndihmën e mostrave të flokëve, argumenton ai.
