Ish-ambasadori i Kosovës në Maqedoni të Veriut, Gjergj Dedaj, ka nisur të japë dëshminë në Dhomat e Specializuara.
Në fjalën hyrëse, Dedaj ka thënë se gjatë luftës, Serbia ia kishte vrarë 12 anëtarë të familjes.
“Serbia m’i ka vrarë 12 anëtarë të familjes, prej tyre dy të mitur, Nikollën 15-vjeçar dhe Lindonin 14-vjeçar”, ka thënë ai.
Ai ka thënë se më 1993-n ishte zgjedhur kryetar i Partisë Liberale.
Më 1998 tha se ka marrë pjesë në zgjedhje dhe partia e tij ka marrë gjashtë deputetë. Tha se nuk ka qenë anëtar i Lidhjes Demokratike të Kosovës e as i Ushtrisë Çlirimtare të Kosovës.
Dedaj është ftuar nga Gjykata Speciale javën e kaluar në cilësinë e dëshmitarit.
