Një ish-zyrtar i Kremlinit dhe zv-president i bankës “Gazprombank”, gruaja e tij shtatzënë dhe vajza e vogël janë gjetur të pajetë në apartamentin e tyre në Moskë.
Krimi i rëndë ka tronditur Rusinë, ndërsa trupat janë gjetur nga vajza e tyre e madhe 26-vjeçare.
Policia shkoi menjëherë në vendin e ngjarjes ku zbuloi skenën makabre. Krah trupit të pajetë të multimilionerit 51-vjeçar, Vladislav Avayev gjendej e vdekur gruaja e tij shtatzënë Yelena, dhe vajza 13-vjeçare Maria.
Hetuesit thonë se krimi ka ndodhur në katin e 14-të të pallatit, ku ndodhej apartamenti 2 milion eurosh i Avayev, ndërsa vrasjet dyshohet të jenë kryer me armë zjarri. Ata thonë se po hetojnë çdo lidhje me punën dhe jetën e tij personale.
Vajza e madhe i tha policisë se kur hyri në apartament e gjeti trupi e pajetë të babait të saj me pistoletë në dorë.
Një mik i ngushtë i Vladimir Putin, Avayev kishte punuar më parë si një zyrtar i lartë në Gazprombank. Ai ishte larguar nga banka si nënkryetar, por ishte e paqartë nëse ai mbante lidhje me të.
Më parë ai kishte qenë nënkryetar i një departamenti të madh në administratën e Putinit në Kremlin.
Krimi i rëndë ka tronditur mbarë opinionin në Rusi, ku kanë dalë edhe disa teori që flasin për vrasje nga xhelozia pasi Avayev zbuloi se gruaja ishte katër muajshe shtatzënë me shoferin e tij.
Megjithatë nuk është plotësisht e vërtetuar nëse gruaja ishte apo jo shtatzënë.
