Sot (17.05.2022) në ora 00.35 në fshatin Kamjan, zyrtarë policorë nga SPB Tetovë – Njësiti i Policisë Kamjan, kanë privuar nga liria personin B.M. (39) nga Gostivari. Në veturën “Chevrolet Captiva” me targa të Gostivarit, të cilin e drejtonte, gjatë kontrollit i janë gjetur dhe konfiskuar marihuanë dhe një grirëse me mbetje marihuane.
Në ora 03.00 në rrugën “Boris Kidriç” në afërsi të sallës së sportit në Tetovë, zyrtarë policorë nga SPB Tetovë kanë privuar nga liria personin P.M. (27) nga Tetova. Gjatë kontrollit të ushtruar në automjetin “Volksvagen Sharan” me targa të Tetovës, të cilin e drejtonte, është gjetur dhe konfiskuar kokainë.
Të dy janë ndaluar në stacionin e policisë dhe pas dokumentimit të plotë të rasteve ndaj tyre do të ngrihet kallëzimi përkatës.
