Fluturimi i avionit me delegacionin rus të kryesuar nga Lavrov zgjati më shumë se pesë orë, duke përshkuar rreth katër mijë kilometra. Duke fluturuar mbi Turqinë, Detin e Zi, avioni hyri në hapësirën ajrore greke dhe përfundimisht u ul në Aeroportin Ndërkombëtar të Shkupit.
Bullgaria tërhoqi lejen e fluturimit për shkak se në mesin e pasagjerëve në avion ishte edhe zëdhënësja e MPJ-së ruse, Maria Zakharova.
Avioni me të cilin shefi i diplomacisë ruse Sergej Lavrov mbërriti në Shkup mbrëmë vonë për të marrë pjesë në Këshillin Ministror të OSBE-së fluturoi mbi hapësirën ajrore të Turqisë dhe Greqisë, edhe pse më parë pritej të kalonte përmes Bullgarisë, njoftoi agjencia shtetërore ruse e lajmeve TASS.
Arsyeja e ndryshimit të rrugës së fluturimit, sipas agjencisë, është se autoritetet bullgare refuzuan të lejojnë fluturimin e avionit rus që mbante zëdhënësen e Ministrisë së Punëve të Jashtme, Maria Zakharova.
Fluturimi i avionit me delegacionin rus të kryesuar nga Lavrov, siç u tha, zgjati më shumë se pesë orë, duke përshkuar rreth katër mijë kilometra. Duke fluturuar mbi Turqinë, Detin e Zi, avioni hyri në hapësirën ajrore greke dhe përfundimisht u ul në Aeroportin Ndërkombëtar të Shkupit.
Rrugën e fluturimit e ka shënuar edhe “Flightradar24”, në hartën e të cilit shihet se avioni i Lavrovit është nisur nga Shën Petërburgu, pas së cilës, duke fluturuar mbi Detin e Zi, ka hyrë në hapësirën ajrore të Turqisë dhe më pas në Greqi, para se të ulej në aeroportin e Shkupit.
Në një notë nga Ministria e Punëve të Jashtme bullgare, e cila nuk lejonte aeroplanin të fluturonte në hapësirën e tyre ajrore, të siguruar nga agjencia ruse e lajmeve, thuhej:
“Leja për të marrë pjesë në takimin e lartpërmendur në Shkup i jepet Ministrit të Punëve të Jashtme të Federatës Ruse Sergej Lavrov dhe delegacionit të tij shoqërues në përputhje me notën… Leja nuk vlen për drejtorin e informacionit dhe Departamenti i shtypit i Ministrisë së Punëve të Jashtme Ruse, Maria Zakharova, e cila figuron në listën e sanksioneve, në përputhje me ligjet në fuqi të BE-së.
Ndryshe, pas pasigurisë së gjatë rreth mbërritjes së Lavrovit në Këshillin Ministror të OSBE-së në Shkup, ai mbrëmë rreth orës 23:00 mbërriti në Aeroportin Ndërkombëtar të Shkupit, ku u prit nga ambasadori rus në vend, Sergej Bazdnikin.
