Koncepti unik Shelby Cobra u shit për një shumë shumë më të lartë se sa pritej.
Ford Mustang Shelby GT500 është aktualisht i vetmi që mban emrin e gjigantit amerikan të automobilave Carroll Shelby, dhe lidhja e tij me Ford daton në vitet 1960 kur një kompani amerikane e punësoi atë për të ndihmuar me një mision të rëndësishëm, që është një fitore ndaj Ferrari në Le Mans
Para se të fillonte të fuste motorët Ford V8 në Mustangët rrugorë dhe t’i “dekoronte” me një patkua, Shelby i “shtyu” nën kapuçin e modelit britanik AC Ace. Ishte në fakt lindja e Shelby Cobra origjinale, për kopjet e të cilave koleksionistët në të gjithë botën paguajnë shumë.
Ford vuri re popullaritetin në rritje të kësaj veture dhe në vitin 2004 vendosi të prodhojë një interpretim modern, por kjo nuk u materializua për shkak të recesionit. Projekti u anulua, por koncepti mbijetoi dhe tani mori një pronar të ri i cili ndau 2,64 milionë dollarë mbresëlënës për të. Më parë ishte vlerësuar se makina do të paguhej midis 1.5 dhe 2 milionë dollarë.
Vetura mundësohet nga një motor V4 atmosferik 6.4 litra që zhvillon 605 kuaj/fuqi. Ky motor është jashtëzakonisht i rrallë, është një nga vetëm katër të prodhuar ndonjëherë. Është çiftuar me një transmision manual Ricardo me 6 shpejtësi bazuar në atë të gjeneratës së parë Ford GT, dhe transmeton fuqinë tek rrotat e pasme.
Shelby legjendar personalisht drejtoi makinën disa qindra kilometra në Irwindale Speedway në Kaliforni.
Më parë, vetura u shit për 825 mijë dollarë në vitin 2017 kur u eksportua nga magazina, dhe fondet shkuan për bamirësi.
